La llucha social nun ye delitu: ¡Carmen y Carlos, llibertá!

8 de xunu de 2014 DE 2014 • Glayiu

Nel Estáu español, la represión pasó de multar a les persones por participar en protestes sociales, a meteles en prisión pol mesmu motivu. En Granada, Carmen y Carlos son dos persones que van ingresar en prisión pola so participación nun piquete informativu demientres la fuelga xeneral del 29 de marzu de 2012.

Too nun contestu de precariedá y retayos pal pueblu y unes reformes llexislatives del gobiernu empobinaes a finar cola llucha social (Llei de Seguridá Ciudadana, Reforma’l Códigu Penal, Llei de tases xudiciales, etc.).

El próximu sábadu, 28 de xunu de 2014, va cellebrase una xornada de llucha internacional na que, sol lema de “La llucha social nun ye delitu. Frente a la represión, solidaridá internacional.”, vamos desixir la llibertá de Carmen, de Carlos y de cuantes persones s’atopen en prisión, deteníes, encausaes, multaes y represaliaes por defender los derechos populares y obreros.

N’Asturies, dalgunos de los casos defendíos por ¡Asturies en Pie! atropen un pidimientu de 21 años de cárcel y miles d’euros en multes. Sicasí, otres causes abiertes, pendientes de calificación, pueden aumentar considerablemente los pidimientos de cárcel y les multes.

(Formen parte de ¡Asturies en Pie!: CSI, CGT, CNT-Xixón, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU).