Desalluguen el CSOA La Madreña

3 de xunu de 2014 DE 2014 • Glayiu

Esta mañana procedieron al selláu y principiu de desagospiu del CSOA La Madreña, na céntrica cai Xeneral Elorza d’Uviéu.
Convocada una manifestacion de sofitu pol desagospiu del Centru Social Ocupau y Autoxestionau La Madrenha a les 19:00h n’Uviéu. Non podran deslaojar los nuesos suaños.

#laMadreñanunpieslla
#laMadreñaqueda
#laMadreñanunpara

Comunicáu de La Madreña tres el desallugu

Dexando a un llau la emoción y la tristeza de ver como se destruyen les ilusiones de les miles de persones qu’apoyaron y trabayaron pa sacar alantre esti protectu, dende’l CSOA La Madreña, arguyoses del nuestru caminar durante estos 2 años y mediu, queremos reafirmar:
1) Que l’antigua conseyería de sanidá yera patrimoniu del pueblu asturianu, y que nós, lloñe d’apropiánoslu, devolvímoslu a la xente pa que pudiera disfrutalu.
2) Que quienes lu tán usurpando son elles. La Policía ta pesllando y embalando’l cuerpu del delitu, pa que SEDES puea vendelo por cuatro monedes.
3) Piensen qu’asina van tener paz y dempués gloria, pero nin lo uno nin lo otro. La Madreña, que ye’l pueblu, nun va descansar hasta que se devuelva a les asturianes lo que-yos pertenez, nin hasta que los responsables de "la operación de los palacios" seyan los que se sienten nel banquillu d’acusaos.
Les persones que participamos del colectivu d’autoxestión agracedemos fonderamente el tiempu y les experiencies compartíes, y a les qu’apoyen esta causa aseguramos que LA MADREÑA NUN PIESLLA, que LA MADREÑA NUN PARA. Milenta madreñes prendieron yá en milenta corazones, y de xuru que van xorrecer, si nun ye güei ye mañana. Podemos perder la torre, pero la partida vamos ganala.

Puxa La Madreña!
#laMadreñanunsepieslla
#laMadreñanunpara
#puxaLaMadreña


Desque’l Centru Social Ocupau y Autoxestionu La Madreña recibió la orde de l’Audiencia Provincial d’Uviéu qu’obligaba a los ocupantes del edifico a abandonalo antes del día 28 de mayu fueron cientos los sofitos y amueses de solidaridá que recibieron, y numberoses les acciones que vienen desenvolviendo pa defender esti espaciu.

Y ye que "La Madreña" lleva más de dos años contribuyendo a dinamizar la vida cultural y social de la ciudá: conciertos, conferencies, biblioteca, talleres d’acrobacia, clases d’idiomes, ludoteca, teatru infantil, música, sala d’estudios, baille, mercadinos, etc. Con estes iniciatives llograron echar raigaños nel corazón de la espurrida y vieya Vetusta, llogrando’l respaldu de los sos vecinos, asina pos el pasáu miércoles 21 una multitudinaria manifestación con cerca de 3000 persones percorrió les cais d’Uviéu p’amosar un mensaxe claru, la madreña nun pieslla.

Tamién activistes de la madreña atayando a Javier Fernandez, nel actu de fin de campaña de la FSA-PSOE con cartelos de "SEDES=PSOE=DESALLUGO" pa reflexar la responsabilidá de la FSA-PSOE nel desallugu, que cola so presencia mayoritaria nel conseyu d’alministración de SEDES son quien cola so denuncia empecipien el procesu xudicial qu’amenacia al centru.

Esti vienres los usuarios del centru tuvieron partiendo llibros de la so biblioteca ente los parllamentarios asturianos pa defender "la cultura sí ocupa llugar".